Florent Kurti mori indeksin e parë në gjeneratën 2009/10

Prishtinë, tetor 2009- Insituti për Studime i Shkencave Organizative- Aplikative “Pjetër Budi” ka hapur vitin e ri akademik, me një ceremoni solemne, ku ishin të pranishëm studentët e rinj, familjarët e tyre, si dhe profesorë të Insitutit “Pjetër Budi”.

MSc.Evliana Berani, Prodekane për çështje akademike, derisa u ka dëshiruar studentëve të rinj mirëseardhje, ka thënë se ” ne po marrim përgjegjësi, por do të ecim bashkarisht në rrugëm që na pret, në atë të nxënies së dijeve të reja” .
“Krahas atyre akademike, Instituti do të angazhohet në ngritjen e etikës njerëzore, në mënyrë që të nxjerret kuadri i kompletuar dhe i gatshëm për sfidat që e presin në jetën e tyre profesionale”, ka thënë MSc.Berani.

Ajo u ka premtuar studentëve se ashtu si deri më tash, siç kanë pasur mbështetjen e prindërve të tyre, tash e tutje do ta kenë të profesorëve dhe stafit të Insitutit “Pjetër Budi”, duke shtuar se Instituti i gëzohet mendimit kritik dhe studentët duhet të jenë sa më mendjehapur.

Ndryshe, në këtë ceremoni, ku është bërë edhe ndarja e indeksave, indeksin e parë e ka marrë studenti Florent Kurti, i cili në këtë ditë kishte edhe njëzetvjetorin e lindjes.